Skildi þessi hafa verið Frakki í fyrra lífi?

Okey hverjir hafa stundum verið aaalveg að sofna og eru svona aðeins byrjuð að dreyma þegar manni dreymir að maður sé að detta og fær svona kipp í lappirnar og vaknar? Ég fæ mjööög oft þannig og t.d. í nótt. Ég var búin að vera andvaka alla nóttina, svo klukkan 6 er ég alveg að sofna, byrjuð að dreyma að ég sé í flugvél (ojjj) og við erum að fara í loftið og svo hrapar vélin (mjög hratt!) í flugtakinu og ég kippist ekkert smá til með skemmtilegum afleiðingum. Ég var greinilega alveg á brúninni á rúminu mínu, svo þegar ég kippist til þá hryn ég fram úr og beint á gólfið, hausinn skellur í gólfið og hendin í gítarinn minn sem ég var búin að tilla við vegginn... gítarinn dettur og lendir á hausnum á mér! Þannig ég held að það sé alveg öruggt að segja að ég glaðvaknaði.

Helvítis flugvélar...

Ég er greinilega alveg geðveikt út úr heiminum þessa dagana! Bolludagurinn var víst í gær... ekki vissi ééég af því! Engar bollur hér á bæ þegar mamma og Stebba eru á Kanarí, hvernig átti ég að vita að það væri bolludagur!? Engin bolla... ekki ein einasta! Er það löglegt!?

Svo er víst sprengidagur í dag... og ég fékk peru í kvöldmatinn! Vá ég er alveg að springa sko! En svo er ég hinsvega mað það á hreinu hvaða dagur er á morgun! Ekki það að ég ætli að fara að klæða mig eitthvað upp, ég er víst of gööömul í það allt saman!



Júlíana gamla, gleymna kona

Miðvikudaginn 18. febrúar árið 2009 eignaðist ég guðson! Timmie Brynjólfur Bjarkason, algjör engill! Skírnin fór fram í Hallgrímskirkju kl. 16:30 og ég sem skírnarvottur átti að mæta pínu fyrr, bara svona til að vita hvað ég ætti að gera og svona. Ég var voða róleg allan daginn, keypti skírnargjöf (myndaramma) og afmælisgjöf (hálsmen, rúnatáknið fyrir visku) handa mömmunni henni Bryndísi sem varð tvítug sama dag og hún skírði strákinn sinn. Svo ætlaði ég að leggja af stað, búin að koma öllu draslinu út í bíl, þar á meðal huge gasblöðru sem við Bryndís keyptum daginn áður til skrauts, svo ætla ég að leggja af stað... þá fer bíllinn ekki í gang! Hann sem var búinn að haga sér svo vel allan daginn! En nei nei, auðvitað þegar ég þarf viiirkilega að vera mætt einhverstaðar tímalega... þá tekur hann bara sinn tíma að koma sér í gang. Það tók mig þó nokkrar mínútur að starta gerpinu og svo dríf ég mig af stað. Svo auðvitað lendi ég í þvílíkri traffík því einhver bíll hafði tekið upp á því að bila á miðri Miklubrautinni og tók þar með heila akrein úr umferð.

Ég var við það að fá hjartaáfall af stressi, sá fyrir mér fulla kirkju af fólki að bíða eftir því að guðmóðirin gæti drullast til að mæta, fólk bölvandi ábyrgðarleysinu í manneskjunni og Bryndís að velta því fyrir sér hvort hún hafi gert mistök að velja mig sem guðmóður, get ekki einu sinni mætt á réttum tíma í skírn eigin guðsonar! Ekki góð byrjun á ferli mínum í guðmóðurhlutverkinu... hvernig verð ég sem móðir!

En eftir mjög Íslendingslegan (ruddalegan) akstur hjá mér og blöðrunni ofvöxnu kom ég á slaginu 16:30 upp í kirkju! Fólkið var ennþá bara að tínast inn í krikjuna í rólegheitunum þannig ég gat andað aðeins léttar. Svo eftir þetta gekk allt eins og í sögu, Timmie litli (samt stór á miðað við skírnarbarn, næstum 7 mánaða kappinn!) var svo stilltur og góður allan tímann, hann tekur eftir guðmóður sinni!

Svo var veislan voða kózý, endaði á því að nokkrir rugludallar (með mig og Bryndísi í fararbroddi) tókum ofvöxnu gasblöðruna, sem fyllti aftursætið hjá mér fyrr um daginn, og önduðum innihaldinu að okkur og gerðumst strumpar í smá stund. Eitthvað af því náðist víst á myndband... sjáum til hvort það verði birt hér einn daginn!

Ég hef ekki enn fengið myndirnar sem voru teknar af þessu öllu saman, en vona að það gerist sem fyrst svo ég geti hent þeim hingað inn. Vona svo að ég geti tekið nokkrar fleiri af honum Timmie mínum áður en hann fer til baka til Danmerkur á laugardaginn.

Í bili verður bara að duga þessi mynd af mér og Bryndísi minni!


En jæja... allt er gott sem endar vel!


Júlíana guðmóðir

Svona... flooooott! Nýtt blogg! Flooooott!

Bleeeess!

Þegar ég er ein heima eins og ég er núna meðan mamma og Stebba eru að sóla sig á Kanarý, þá er ég ekki í uppáhaldi hjá ferfætlingum hér á bæ! Örugglega vegna þess að ég set þessa ofvöxnu ketti (á þverveginn) í megrun þegar ég sé um að gefa þeim! Þurrmatur nánast eingöngu fyrir utan smá blautmat öðru hvoru þegar vel liggur á mér. Fyrir þetta er ég hötuð... vegna þess að mamma hefur dekrað við þessa ketti og gefur þeim blautmat að minnsta kosti tvisvar á dag... svo er hún hissa að Essó sé orðinn stærri en hundur (hér stóð ég upp og þurfti að fjarlægja Lúllu vitleysing frá hamstrabúrinu... svo eini stillti ferfætlingurinn á þessu heimili geti labbað um í búrinu sínu óáreittur).

Fyrir þessa hræðilegu meðferð á þeim hafa þau fundið upp hinar og þessar leiðir til að hefna sín á mér... og Essó sló allt út í dag! Lúlla lætur öllum illum látum og klifrar bókstaflega upp alla veggi sem hún getur, en róast þó aðeins ef hún fær smá fiskamat líka þegar ég er að gefa fiskunum. Branda er alveg ágæt svo sem... gefur mér bara illt auga öðru hvoru og heldur áfram að sofa. Essó öskrar á mig allan daginn og hleypur á eftir mér ef ég fer inn í eldhús... á milli þess sem hann tekur til róttækari aðgerða! Fyrir tæpri viku fann ég hálfan kúk upp á matarborði! Essó hafði sem sagt fest hann (pott þétt viljandi) í mikla feldinum sínum þegar hann sinnti þeim málum... svo farið upp á eldhúsborð og losað hann úr feldinum þar! Namm!

Í dag fann ég ælu á skurðarbrettinu! Eini kötturinn sem ælir inni er Essó... hann er greinilega að reyna að sjá til þess að ef hann fær ekki sinn blautmat tvisvar á dag til að viðhalda fituforða sínum... þá skuli ég bara ekkert fá að borða heldur! Ég er sem sagt búin að vera að bóna skurðarbrettið í um það bil klukkutíma og ætla að setja það nokkrum sinnum í uppþvottavélina! Eftir það ætla ég að setja það einhverstaðar þar sem ég þarf ekki að horfa á það þangað til mamma og Stebba koma heim og láta þær þrífa það aftur! Ojojojojojojojojoj!

En þrátt fyrir þessar hryðjuverkaárásir er ég staðráðin í að gefast ekki upp og mun halda kattamegruninni miklu áfram!



Júlíana hreinsitæknir

Skóhlífadagar í skólanum á morgun! Sem eru sem sagt svona þemadagar. Maður á að mæta á einhver námskeið og fær mætingar fyrir það, ég er hinsvegar frekar mikið út úr heiminum og vissi ekki að þessir dagar væru núna fyrr en bara á mánudeginum... hehe! Ég er ekkert búin að skrá mig í eitt né neitt en ég redda þessu á morgun... fer bara að læra upp á bókasafni eins og skynsamur nemandi og fæ mætingu fyrir það! Orðin allt of fullorðin, fáguð og góð með mig til að fara á einhver kjánaleg námskeð!

Þessir skóhlífadagar eru sem sagt á morgun og á fimmtudaginn og svo frí á föstudeginum! Og ég á ekki að vera í neinum tímum á fimmtudögum þannig ég ætla að tékka hvort ég þurfi nokkuð að mæta þá! Sem þýðir kannski 4 DAGA HELGI! Múahahahahaha! Þið megið öfunda mig núna!

Júlíana letidýr

Tvíburar: Þú átt það til að greina hlutina í öreindir. Kannski að þú eigir að einsetja sér að skemmta þér dálítið og jafnvel setja það í fyrsta sæti.

Loksins þegar lærdómsandinn kemur yfir mig þá segja stjörnurnar mér að ég eigi bara að skemmta mér! En jæja... maður rífst nú ekki við stjörnurnar!

Ég var að skoða hitt og þetta á YouTube og fann þessi myndbönd, fyrra myndbandið er lítil stelpa, mjög svona bresk í sér og já... bara týpískur Breti held ég. Seinna myndbandið er Bandarísk lítil stelpa... very American! Mjög... ehemm... ,,skemmtilegur" munur á þeim tvem!



Okey... ljótt að segja þetta... en jiiiii hvað þessi Bandaríska er pirrandi! Fáranlega hátt egó og græðgi... USA í dag?

Mig hefur aldrei klæjað jafnmikið og í dag! Ég vaknaði því mig klæjaði á bakinu, klóraði duglega og ætlaði aftur að fara að sofa... nei nei... eftir 2 sekúntur kom kláðinn aftur! Ég klóraði... 2 sek... og hann kom aftur! Þannig er þetta búið að vera í allan dag og ég held í alvöru að ef eitthvað getur gert mig geðveika þá er það þessi kláði! Svo er þetta einmitt á þessum stað á bakinu sem maður nær ekkert auðveldlega til! Ég er búin að setja Aloe Vera en þetta ætlar ekkert að lagast! Éfattettiggi... ég er ekki með ofnæmi fyrir neinu né neitt þannig, samt klæjar mig eins og ég veit ekki hvað! Það er EKKI gaman að klóra og klóra og klóra  en klæja samt alveg í tætlur! Mig vantar klórara í dag... sem eltir mig út um allt og klórar mér stanslaust á bakinu! Sjálfboðaliðar?

Hvað er hægt að gera!? Mig klææææææææææææææææææææææjaaaaaaaaaaar!!! Þetta mun enda á því að ég næli mér í hníf og sker þennan part af skinninu af! Verð bara með holu inn í bakið... en mér mun að minnsta kosti ekki klæja lengur!